Esperantilo Blogo en Esperanto pri projekto Esperantilo kaj komputila lingvistiko

27.2.2007

Esperantilo en eldono 0.90 kun nova gramatika korektilo

Filed under: ĝenerale — artur @ 21:22

La ĉefa temo de tiu eldono estas la gramatika kontrolado. Tiu eldono havas preskaŭ komplete reprogramitan uzulan interfacon de gramatika korektilo. Mi esperas, ke tiu eldono estas la unua, kiu estos vaste uzata por gramatika kontrolado. Nun la gramatika kontrolado povas ankaŭ en kelkaj kazoj sugesti la korekton. La kvalito de mesaĝoj de korektilo estis plibonigita kaj la mesaĝoj estas nun pli konkretaj. Tiu denova okupo pri gramatika kontrolado estas eble rezulto de mesaĝgrupo Komputila lingvistiko kaj intereso de kelkaj personoj pri tiu temo. Eble iam ekestos ankaŭ aliaj interesaj korektiloj.

Mi aldonis ankaŭ tute novan funkcion de gramatika kontrolado. La uzanto povas nun direkte marki ĉiujn gramatikajn erarojn per butono en suba kampo de fenestro. Ĉiuj eraraj aŭ dubindaj vortoj estas markitaj. Se oni enigas per muŝo en la kampon de vorto, en la suba listo de mesaĝoj oni povas legi la erarmesaĝon. Per klako de dekstra muŝa butono oni povas selekti sugestan korekton kaj tuj korekti la tekston.

Kvankam mi multe testis la programon sur mia blogo aŭ blogoj de aliaj esperantistoj, tamen la funkciado de korektilo ne estas ĉiam kontentiga. Mi malkovris esperantajn blogojn kiel bonaj fontoj de malkorektaj tekstoj. Ankaŭ mesaĝgrupoj de TTT-ejo lernu estas tre bonaj por trovi nekorektajn tekstojn. Mi testis ankaŭ la programon sur hazardaj paĝoj de esperanta vikipedio, sed mi trovis entute nur kelkajn erarojn.

Ekzistas ĉefe du problemoj.

  • Programo ne trovas gramatikajn erarojn.
  • Programo plendas pri korektaj frazoj.

Mi lasttempe ĉefe laboris pri malplialtigo de falsaj mesaĝoj, sed tamen analizo de kompleksaj tekstoj faras problemojn. Por mezuri la kvalito de rezultoj oni uzas grandecojn konataj de Information Retrieval. Laŭ tiu difino Esperantilo havas ne tre bonan „recall“. Tiu estas nombro de mesaĝoj kompare al korektaj mesaĝoj. Tial la programo ne estas tre bona por komencantoj, kiuj povus esti konfuzitaj de malkorektaj mesaĝoj. La liston de ekzemplaj eraroj kaj mesaĝoj oni povas rigardi tie.

Ĉe tiu okupo mi plibonigis ankaŭ la sintaksan analizon. Nun la sintaksa analizo povas rekoni en kelkaj kazoj subfrazojn ankaŭ, se la frazo ne enhavas komojn. Tio havis ankaŭ pozitivan influon je kvalito de maŝina tradukado.

Kiel kutime mi korektis kelkajn programajn erarojn. Esperantilo enhavas nun la ilon por prepari erarajn raportojn. Se en Esperantilo okazos eraro, oni ekvidos novan fenestron, en kiu oni povas priskribi la situacion de eraro kaj krei dosieron kun raporto (en XML-formato). La raporto enhavas ankaŭ kelkajn teknikajn informojn (Stacktrace), kiuj helpas al mi trovi kaj korekti la eraron. Tiun dosieron oni povas sendi al mi.

Keine Kommentare »

No comments yet.

RSS feed for comments on this post. TrackBack URL

Leave a comment

Du musst angemeldet sein, um einen Kommentar abzugeben.

Powered by WordPress