Mi nun malrapide preparas la novan eldonon. La teknikaj novaĵoj estas pretaj. Nun mi testas la funkciadon de tuta programo. Ĝis nun mi ne tre atente pritraktis germanan lingvon, la kvalito de traduko estas malalta. La testado de tradukado iras laŭ suba metodo. Mi tradukas iun longan tekston kaj tralegas atente ĉiujn frazojn. La falsajn tradukojn mi kolektas. Poste mi analizas la erarojn. Unue mi rigardas la sintaksan analizon de fonta frazo poste mi analizas la rezulton. Mia programada medio XOTclIDE lasas al mi tre riĉajn eblojn observi la funkciadon de programo. Mi havas ilojn por inspektado de strukturoj.
Mi malkovras ĉiam ion novan. Hodiaŭ mi malkovris, ke sintaksa analizo malprava difinas la funkciojn de frazpartoj de tipo „kiom da (np)“. La funkcio de tiuj frazpartoj estas tre simila al frazpartoj laŭ modelo „multe da (np)“, pri kiu mi jam skribis en Problemoj kun frazparto de tipo multe da . Mi feliĉe povis uzi la samajn strukturojn. Mi ankaŭ plibonigis la funkcion pro trovi subjekton kaj objekton. En frazoj de tipo „Kiom da libroj vi legis“, la „Kiom da libroj“ estas objekto. Frue la programo, kiu laboras de maldekstra flanko etiketigis la frazparton kiel subjekto.
Kiam la programo funkcios korekte?
Eble neniam mi atingas la seneraran staton de programo. Tio estas por mi normala konstato. Sed nun, kiam mi tralaboras miajn listojn, mi ofte ne scias, de kio mi devas komenci. La unua konsolo estas, ke unu eraro, kiun mi forigas, unu plibonigo povus pozitive influi la prilaboron de multegaj frazoj, grandaj tekstoj. Ĉiu eĉ eta plibonigo pligrandigas la kvaliton de programo. La lasta zorgo estas, ke ŝanĝoj en programo povus negative influi la funkciojn, kiuj frue korekte laboris. Mi ankaŭ volas labori efektive kaj distingi gravajn fuŝaĵojn de negravaj.
